Ish-deputetja demokrate Albana Vokshi ka denoncuar sot propogandën qeveritare lidhur me investimin 760 mln lekë në shkollën “18 nëntori” në Kuçovë, ndërsa e konsideroi shumën si abuzive.
Vokshi shprehet se propaganda e fasadave me ngjyra në shkolla, lë fëmijët në Kuçovë mes të ftohtit e lagështisë!
“760 mln lekë u shpenzuan për shkollën “18 Tetori” në Kucovë. Në inagurim, mori pjesë edhe deputetja Felaj, që e shiti si një ndër punët më të mira të bashkëpunëtorëve të saj partiakë.
Por për fat të keq, vetëm fasada e ngjyrave dhe propaganda nuk mjafton. Temperaturat e ulta të janarit e kanë bërë të vështirë mësimin në këtë shkollë”, shprehet Vokshi.
Në vijim ajo theksoi se shkolla nuk ka sistem ngrohje, ndërsa nxënësit detyrohen të sigurojnë privatisht ngrohës portativë, por automati nuk e mban ngarkesën.
“Muret kanë krijuar lagështi për shkak të abuzimit me fondet dhe cilësisë së dobët të punimeve.
Në oborrin e shkollës kanë shpërthyer edhe ujrat e zeza duke krijuar një mjedis të rënduar e të rrezikshëm për fëmijët.
Ankesat e shumta të prindërve e fëmijëve vazhdojnë të bien në vesh të shurdhër”, shprehet Vokshi.
