Një ngjarje e rëndë është shënuar në SHBA. Mediat amerikane kanë raportuar se gjyshërit e një vajze 5-vjeçare, janë vënë në pranga pasi akuzohen se e kanë mbajtur vogëlushen të mbyllur në një kafaz qensh.
Ishte një hetim një mujor që hodhën dritë mbi këtë ngjarje të rëndë, ku u vunë në pranga Mary De Ronda 59-vjeçe dhe Charles De Ronda, 63-vjeç, nga Oklahoma.
“Kjo është ndoshta më e keqja që kam parë ndonjëherë veçanërisht me akuzat, të mbajtur në një kafaz qensh. Ju nuk mund t’ia bëni këtë një fëmije. Fëmija po mbahej në një kafaz qensh dhe u mbajt atje për periudha të gjata kohore, madje ndonjëherë me vetë qenin”, është shprehur togeri, Mike Weiss.
