Një fakt tronditës vjen nga një media pakistaneze e cila thotë se Presidenti i ri i SHBA-së Donald Trump është nga Pakistani. Emri i vërtetë i tij është Dawood Ibrahim Khan dhe është adoptuar nga familja Trump pasi i vdiqën prindërit.
Lajmi është transmetuar nga kanali televiziv në Pakistan, i quajtur “Neo News”.
Njerëzit janë duke reaguar me mosbesim dhe tronditje qëkur republikani Donald Trump mposhti demokraten Hillary Clinton në zgjedhjet presidenciale në SHBA.
Dhe, midis gjithë kësaj, një lajm që pohon se Trump është nga Pakistani e ka çuar çmendurinë në një nivel tjetër.
Gruaja që e jep lajmin mban një ton të zërit shumë serioz gjatë gjithë kohës dhe duket absolutisht e sigurt rreth informatës që ua përcjell shikuesve.
Sipas lajmit të transmetuar në Neo News: “Trump u lind në Waziristan, Pakistan, dhe emri i tij i vërtetë ishte Dawood Ibrahim Khan. Arsimimin e parë e mori në një Medrese në Waziristan. Prindërit e Trumpit [prindërit e Ibrahimit në këtë rast] vdiqën në një aksident rrugor në vitin 1954 dhe Dawoodi i ri u birësua nga familja Trump pasi një kapiten i ushtrisë britaniko-indiane e coi në Londër.”
