Krijuesi i serialit të njohur “Peaky Blinders”, Steven Knight, konfirmoi se pas sezonit të kaluar, seriali do të transferohet në kinema. Steven Knight njoftoi të Hënën e kaluar se seriali dramatik i BBC do të përfundojë pas gjashtë cikleve, por gjithashtu se historia do të vazhdojë në “një formë tjetër”.
Në një deklaratë të fundit për Deadline, Steven Knight pranoi se fillimisht kishte ndërmend të xhironte shtatë episode të serialit, por pandemia e koronavirusit solli një ndryshim të planeve.
“Covid-19 ndryshoi planet tona. Por mund të them se plani im që nga fillimi ishte të përfundoja Peaky Blinders me një film. Kjo do të ndodhë,”– tha skenaristi dhe regjisori britanik.
Seriali i njohur Peaky Blinders tregon historinë e një bande me lidhje familjare, e cila dominon në rrugët e Birmingham në vitet pas Luftës së Parë Botërore. Steven Knight gjithashtu zbuloi se ai ishte afruar për të adaptuar serinë televizive në një balet dhe muzikal në West End.
Në njoftimin e tij ku njoftoi se seriali do të përfundojë, krijuesi i tij zbuloi se prodhimi i ciklit të gjashtë më në fund filloi pas disa muajsh vonesash.
“Ne besojmë se ky do të jetë sezoni më i mirë nga të gjithë dhe ne jemi të sigurt që fansat tanë të mahnitshëm do ta pëlqejnë atë. Ndërsa seriali televiziv do të përfundojë, historia do të vazhdojë në një formë tjetër,” – sqaroi ai.
