Kryeministri Edi Rama, ka deklaruar se 10 mijë e 750 dozat e para të vaksinës anti-COVID, në kontratën e qeverisë me Pfizer, do të vinin në fillim të javës së tretë të janarit.Por java e tretë e këtij muaji mbaroi. Asgjë ndryshe nga zakoni që ka Rama, të gënjejë qytetarët, e të bëjë vetëm propagandë.
Madje, edhe ardhjen 900 dozave të para të vaksinave në vendin tonë, nga një vend të cilin Rama nuk e tregoi kurrë, e përdori si propagandë për të mbuluar skandalin e qeverisë së tij, ku ministrat ishin në darka luksi në Dubai.
Jo vetëm kaq. Rama më tej ka deklaruar se mbi 30 mijë dozat e tjera të vaksinës do të vijnë në muajin shkurt, por ende s’kanë ardhur të janarit. Kështu, i tillë, pa plan, pa asgjë konkrete, Rama vazhdon me propagandën.
Propagandën e kësaj qeverie, e vërtetoi më së miri edhe ministrja e Shëndetësisë, Ogerta Manastirliu, e ftuar në një emision televiziv, ku nuk dinte të thoshte as shifra, as shpenzime, as ardhjen e vaksinës.
Por njësoj, si shefi i saj, Edi Rama, gjithçka në përgjithësi, asgjë konkrete. Edhe Manastirliu tha se në muajin janar do të vijnë mbi 10 mijë dozat e para, por duket se ato s’do vijnë asgjëkundi.
Degjojeni më poshtë kryeministrin Rama çfarë tha për ardhjen e vaksinës në vendin tonë…
/Boldnews.al/
