Marka e njohur italiane Prada ndërpreu kontratën e saj me aktoren kineze Zheng Shuang pas një skandali.
Zheng, 29 vjeçe, ishte një nga tre zëdhënëset e markave të reja kineze për Prada që nga 11 janari. Por vetëm një javë më vonë, ajo u dyshua për braktisjen e dy prej fëmijëve të saj të lindur nga nëna zëvendësuese në SH.B.A.
Aktorja e njohur kineze, Zheng Shuang, akuzohet se ka braktisur dy fëmijët e saj të ardhur në jetë nga nëna surrogate (zëvendësuese) pas ndarjes nga bashkëshorti.
Producenti Zhang Heng, e akuzoi se braktisi dy fëmijët e tyre të lindur nga nëna zëvendësuese në SHBA, pasi marrëdhënia e tyre përfundoi para se fëmijët të vinin në jetë.
Në certifikatat e lindjes së fëmijëve tregohet se prindërit janë Zheng Shuang dhe Zhang Heng, si dhe datat e tyre të lindjes, djali lindi më 19 dhjetor 2019 dhe vajza, 4 janar 2020.
Raportohet se çifti ishin martuar fshehurazi në Amerikë para se të punësonin dy nëna zëvendësuese, që do sillnin në jetë bebet e tyre. Dhe për shkak se lindja e fëmijëve me nëna zëvendësuese është e paligjshme në Kinë, Zheng Shuang është kritikuar për “thyerje të ligjit”.
