Partia Demokratike, ka reaguar edhe njëherë në lidhje me skandalin e fundit ku në përgjimet e antimafias italiane ka rënë edhe kryetari i Bashkisë së Tiranës Erion Veliaj, i cili në përgjimet e biznesmenëve të lidhur me ‘Ndraghetan’ del se ka zhvilluar takime me ta me qëllim dhënien e kullave shumëkatëshe në këmbim të 20 përqindshit të vlerës së ndërtimit.
PD shkruan se Rama dhe buratini tij të frikësuar po I mbyllin gojën kujtdo.
‘Është e qartë: Rama dhe buratini i tij kryesor janë të frikësuar
Ata po përpiqen të mbyllin gojën e kujtdo që thotë të vërtetën.
Qëllimi i vetëm i tyre është të vazhdojnë të qeverisin në kurriz të popullit shqiptar me dështimet e tyre, pa asnjë ndërhyrje.
Ne nuk kemi frikë nga asnjë proces gjyqësor që tenton të imponojë heshtjen tonë, pasi jemi këtu vetëm për një qëllim që është interesi publik i shqiptarëve.
As Rama, as buratini i tij, askush nuk do të na e mbyllë gojën.’
