E ndërsa Tirana është e përmbytur nga reshjet e shiut dhe trafiku është në kaos, duket se Bashkia nuk e ka këtë problem.
Në vend që të marrë masa për përmbytjet e rrugëve, Bashkia u bën thirrje qytetarëve t’i bashkohen nesër aksionit për pastrim.
Nisma propagandistike e Bashkisë vjen pas asaj të 4 shtatorit ku Veliaj ftoi qytetarët për ti hequr “zhulin” qytetit.
Në fakt atë ditë aksioni u përdor që Veliaj të jepte shfaqje televizive, ashtu siç do të ndodhë edhe nesër.
Përmes një deklarate, Bashkia Tiranë sqaron se aksioni nis nesër në orën 8 të mëngjesit.
“Ftojmë të gjithë banorët e 24 njësive administrative t’i bashkohen aksionit të madh ‘Të pastrojmë Tiranën!’ Është një moment shumë i rëndësishëm që të gjithë bashkë të solidarizohemi në pastrimin e qytetit, të japim një dorë në pastrimin e shtëpisë sonë të përbashkët, aq më tepër që është edhe një mision qytetar që gjithsecili prej nesh ka ndaj qytetit ku jeton”, tha nënkryetari i Bashkisë së Tiranës, Andi Seferi.
