Ditën e sotme starton java e 15-të e Kategorisë Superiore, teksa në program janë 4 takime. Ndeshjet luhen të gjitha në orën 13:45 dhe në Kamzë do të kemi një përballje të fortë mes Kastriotit dhe Teutës. Krutanët kanë treguar se në fushën e tyre janë një skuadër shumë e vështirë për t’u mundur.
Në Ballsh në stadiumin “Adush Muça” luhet mes vendasve dhe kryesuesve të Vllaznisë. Këta të fundit tashmë kanë marrë petkun e favoritit dhe pritet të dominojnë edhe sot, teksa Bylisi gjatë javëve të fundit ka treguar se di t’i ndalë të mëdhenjtë.
Në Laç vendasit presin skuadrën e Skënderbeut dhe i duhet me patjetër fitorja në këtë sfidë për të mos hyrë në krizë, pas asaj humbje shokuese ndaj Apolonisë në ndeshjen e kaluar.
Ndërkohë, Kukësi zyrtarisht në krizë shkon në Fier për t’u ndeshur me Apoloninë dhe ka shansin e duhur për të marrë fitoren e parë pas 6 ndeshjesh.
Kujtojmë që java e 15-të mbyllet me derbin e kryeqytetit mes Partizanit dhe Tiranës, takim që zhvillohet nesër në orën 18:00.
