Një aksident me vdekje ka ndodhur dje tek kryqëzimi i Mamurrasit, ku ka humbur jetën një i moshuar. Këtë të Mërkurë, policia njoftoi arrestimin e një prej drejtuesve të mjeteve të përfshirë në aksident.
“Specialistët e Qarkullimit Rrugor në Drejtorinë Vendore të Policisë Durrës, arrestuan në flagrancë shtetasin A. A., 27 vjeç, banues në Tiranë, pasi më datë 19.01.2021, tek kryqëzimi i Mamurrasit, duke drejtuar mjetin tip ‘Volkswagen’, është përplasur me motoçikletën tip ‘Fortuane’, me drejtues shtetasin P. P., 72 vjeç, i cili për pasojë ndërroi jetë. Materialet i kaluan Prokurorisë së Rrethit Gjyqësor Durrës, për veprime të mëtejshme”, njoftoi policia.
