Frank Lampard pritet të shkarkohet nga posti i trajnerit të Chelseas.
Mediat britanike shkruajnë se largimi i Lampard është i sigurt nëse të kaltrit e Londrës sot pësojnë disfatë kundër Leicester City.
Skuadra e Lampardit ka vetëm dy fitore në shtatë ndeshjet e fundit dhe Leicester mund ta shfrytëzojnë formën e dobët të klubit londinez për të arritur fitore. Presioni ndaj Lampardit është rritur dukshëm në javët e fundit dhe ai është në rrezik ta humbë punën, nëse gjërat nuk ndryshojnë duke nisur nga sonte.
Pas 18 ndeshjesh, Chelsea është në vendin e 7-të në renditjen e Premier.
