Pamjet e xhiruara në Wuhan gjatë ditëve të para të shpërthimit të coronavirusit, tregojnë se si qeveria kineze mund të kishte bërë më shumë për të parandaluar përhapjen e virusit dhe përpjekjet e saj për të ndaluar gazetarët të raportonin për të.
Sipas Al Jazeera dy gazetarët kinezë, emrat e të cilëve nuk janë zbuluar për sigurinë e tyre – përmes xhirimeve të fshehta zbulojnë transformimin pothujase brenda natës të qytetit me 11 milionë banorë.
Pamjet ekskluzive thuhet se janë xhiruar midis 19 janarit dhe 22 janarit të vitit 2020, dhe nuk janë parë kurrë më parë.
Në pamundësi për t’i publikuar ato brenda Kinës, gazetarët ia dhanë Njësisë Hetimore të Al Jazeera, që i nxori ato jashtë vendit.
Yang Jun dhe Chen Wei, emrat e të cilëve janë anonimuar për mbrojtjen e tyre, udhëtuan në Wuhan disa ditë para se qyteti të hynte në bllokim të plotë.
