Të tjera detaje janë zbardhur nga aksidenti i ndodhur mesditën e djeshme një Tiranë, ku një vajzë e mitur, u aksidentua për vdekje vetëm pak metra larg banesës ku bashkë me familjen jetonte me qira.
Nga raportimet mësohet se drejtuesi i mjetit, Alban Guri, i cili u ndalua nga policia disa momente pak aksidentit, ka qenë në gjendje të dehur.
Ai u largua nga vendi i ngjarjes, ndërsa nga dëshmia e tij dhënë për policinë, ai ka sqaruar se nuk e ka parë fëmijën kur i është shfaqur para automjetit.
Ngjarja e rëndë ndodhi në rrugën “Njazi Meka” në kryeqytet.Vajza doli nga shtëpia bashkë me një fëmijë tjeter, i cili arriti të kalonte në anën tjetër të rrugës.
Goditja e vogëlushes nga automjeti tip “Nisan”, që dyshohet se lëvizte me shpejtësi, ishte fatale. 9-vjeçarja u transportua me një makinë të rastit në spital, ku fatkeqësisht nuk arriti t’u mbijetojë plagëve të marra dhe ndërroi jetë.
Ngjarja ka ndodhur në një rrugë të ngushtë, ku vihet re edhe mungesa e trotuarit.
