Një ngjarje tragjike ka ndodhur në Kabul të Afganistanit, ku dy gjyqtare të Gjykatës së Lartë janë qëlluar për vdekje mëngjesin e kësaj të diele nga persona të armatosur, ende të paidentifikuar.
Mësohet se gjyqtaret janë ekzekutuar rrugës për në punë. Të tilla vrasje janë pjesë e vargut të atentateve që synojnë asgjësimin e gazetarëve, aktivistëve dhe figurave të larta politike, shkruan BBC.
Lidhur me vrasjen, dyshimi ka rënë mbi talibanët, por këta të fundit e kanë mohuar përfshirjen në një ngjarje të tillë.
