Familja e aktivistit të vdekur të Lëvzjes Vetëvendosje Astrit Dehari, ka mbajtur një konferencë me gazetarë, ku ka shprehur mosbesimin ndaj organeve të drejtësisë.
Babai i Astrit Deharit, Avni Deharit, ka thënë se ka bërë kërkesa çdo natë për ta vizituar Astritin në burg. Avni Dehari ka thënë se Prokurori është instrument politik në duart e pushtetit. “Shteti e ka vra Astritin, mediet janë bërë hiena që po mundohen të përfitojnë në këtë viktimë”, ka thënë Dehari.
Më tej ai ka thënë se kërkon hetim të pavarur pasi nuk ka besim në institucionet e Kosovës.
“Shteti që na e ka vra djalin nuk nxjerrë asnjë fakt. Mediave po iu drejtohem ne vend që të merren me padrejtësinë që e bënë ky shtet, janë duke u marrë me disa gjëra që e kamuflojnë më shumë rastin.
Mundohen të krijojnë telenovela, po na tmerrojnë me pamjet që po i nxjerrin dhe është shumë ë padrejtë”, ka thënë ai.
“Për çdo të martë e kam bërë kërkesën për familjarët por edhe për ndonjë shok të tij, kemi hi në prani të policëve është përcjellë vizita. Prokurori qenka instrument politik në duart e pushtetit, nuk po e kryn punën e tij, por të atyre që e kanë dërguar Astritin në burg. Me realizu qëllimin që e kanë dërgu në burg
Shteti e ka vra Astritin, mediat janë ba hienë që po përfitojnë në ketë”, ka thënë Dehari.
Ndërkaq, Xhemile Dehari nëna e Astrit Dehari, ka thënë se Baton Haxhiu me publikimin e videos i ka terrorizuar familjen e saj përkatësisht vajzës dhe renë e saj. Ajo ka hedhur dyshime se prej nga kanë shkuar incizimet tek Batoni.
Më tej, ajo ka shprehur mosbesimin e saj ndaj kamerave. Xhemile Dehari ka thënë se Dradan Molliqajn e kanë mik të dy djemve andaj edhe ka shkuar që ta vizitojnë. “Mos luani me ndjenjat e familjes Dehari”, ka thënë Xhemile Dehari nëna e Astrit Deharit.
