Ka ndërruar jetën në spital Etleva Ndoka 28 vjeç e cila u qëllua brenda sallonit të saj të bukurisë në qendër të Lezhës.
Ngjarja ndodhi një orë më parë ku u dëgjuan të shtëna armësh brenda në parukri. Të dhënat e fundit të policisë kanë identifikuar autorin e ngjarjes i cili është Alfred Nikolli 31 vjeç.
Rasti është regjistruar pranë ‘Varrezave të Dëshmorëve”, dhe sipas të dhënave paraprake nga dëshmitarët në vendngjarje, bëhet e ditur se ata kishin dëgjuar të shtëna me armë dhe se kishin parë një person të dilte me vrap nga dyqani. “Dëgjuam të shtëna me armë, pamë që një grua u transportua në spital. Pamë një burrë që iku me vrap”.
Mësohet se një person ka hyrë në parukeri dhe ka qëlluar në drejtim të vajzës, e cila është transportuar me urgjencë për në spitalin e Lezhës, por pa mundur të mbijetojë.
Dhjetëra forca policie janë vënë nën ndjekjen e autorit, Alfred Nikolli, 31 vjeç, banues në Lezhë. duke ngritur postoblloqe në hyrje-daljet e qytetit por ende pa mundur dot ta prangosin.
NJOFTIMI I POLICISE
Me datë 11.11.2016 është marrë njoftim se në Lezhë në qytet ka ndodhur një plagosje. Menjëherë në vendngjarje kanë mbërritur shërbimet policore që kanë konstatuar se është plagosur me armë zjarri shtetasia E.N. 28 vjeçe, banuese në Lezhë e cila është transportuar në spitalin e Lezhës nën kujdesin e mjekëve. Punohet për identifikimin dhe kapjen e autorit. Grupi hetimor në vendngjarje vazhdon veprimet hetimore për zbardhjen e plotë të ngjarjes.
