Instituti Kombëtar i Shëndetësisë Publike në Kosovë ka njoftuar se të Martën janë regjistruar edhe katër viktima nga koronavirusi i ri. Viktimat janë nga Dragashi, Gjilani, Mitrovica dhe Suhareka.
Sipas njoftimit ditor për situatën epidemiologjike, janë testuar 1.751 mostra, prej të cilave janë konfirmuar 279 raste pozitive.
Sëmundjen e kanë mposhtur 431 pacientë ndërsa raste aktive janë 5.795.
Prej 13 marsit 2020, kur janë regjistruar rastet e para me koronavirus në Kosovë, autoritetet shëndetësore kanë raportuar për 54.261 të prekur nga COVID-19. Prej tyre 1.387 pacientë kanë vdekur ndërsa 47.079 janë shëruar.
