Kryeministri Edi Rama foli për mediat pak pasi injektoi vaksinën anti-Covid.
Shefi i qeverisë u shpreh se tashmë ka hequr nga supet një barrë shumë të madhe përgjegjësie, ndërsa nuk i kurseu sërish ngacmimet për BE-në.
Rama shtoi gjithashtu se vaksina është e sigurtë dhe shqiptarët nuk duhet të bien pre e teorive konspirative.
“Çdo gjë në rregull. Asnjë problem. Mendoj se është një ditë fantastike për faktin se jemi çliruar nga një barrë shumë e madhe. Barra e përgjegjësisë për të mos lejuar që shqiptarët të mbeteshin në rradhë dhe për të mundësuar, pavarësisht se, Shqipëria dhe rajoni ku ne bëjmëpjesë, nuk u përfshi në skemën e furnizimit të menjëhershëm. Të fillonte sa më pak diferencë kohe me ata që kanë edhe gurin, edhe arrën. Kanë në dorë vendimet, bëjnë dhe furnizimet. Është me të vërtetë një lehtësim shumë i madh për mua. Tani të gjithë shqiptarët mund të presin pa ankthin se do të vijë vaksina, nuk do të vaksina, do të vaksinohemi, nuk do të vaksinohemi. Nga ana tjetër, vaksina nuk është e detyrueshme por është shumë e këshillueshme. Duhet të çlirohen nga marrëzitë dhe helmet e burimeve që i furnizojnë me teori konspiracioni. Sepse është e sigurtë që vaksina nuk i bën ilirët vikingë apo aziatikë. Ilirët mbeten ilirë. Vikingët nuk vijnë prej vaksinën dhe nuk futet çip në trup”, tha Rama.
