Prej dy ditësh, Isli Islami nuk është më i pranishëm në emisionin që drejton çdo mëngjes bashkë me Ori Nebijaj, “Wake Up”.
Moderatori ka zbuluar se është infektuar me Covid-19 dhe se i duhet të qëndrojë në shtëpi i izoluar për disa ditë.
Gjatë një videoje live në rrjete sociale, moderatori tregoi se përveç tij, është prekur edhe e ëma, me të cilën jeton në një shtëpi.
Isli tregoi se simptomat e para për të ishin humbja e shijes dhe mungesa e fuqisë aq sa nuk mund të lëvizte nga njëra dhomë e shtëpisë në tjetrën.
