Fitorja e Donald Trump në zgjedhjet amerikane, ka bërë shumë njerëz të reflektojnë që miliarderi, sapo të zbarkojë në Shtëpinë e Bardhë, mund të realizojë vërtet ato që ka deklaruar në fushatë elektorale.
Mes premtimeve-tronditëse të presidentit të ri, janë ndërtimi i një muri në kufi me Meksikën dhe ndalimi i hyrjes së myslimanëve në SHBA. Por mbi çështjen e fundit, Trump duket se ka ndryshuar, ose ndoshta mund të ketë zbutur qëndrimin e tij.
Sipas Paolo Attivissimo, i mirënjohur për punën e tij për të hedhur poshtë përkatësisht rrënimin e teorive konspirative dhe mashtrimet kompjuterike, faqja zyrtare e mandatit ka fshirë deklaratën që i referohej hyrjes së ndalimit të myslimanëve në SHBA.
Nga stafi i Trumpit nuk ka asnjë koment mbi këtë gjë: do të jenë me siguri aksionet e ardhshme të presidentit të ri ato që do të japin një përgjigje.
Ndërkohë në profilin “Twitter” të Attivissimo-s, spikat edhe një imazh i kopjuar i faqes që përmbante deklaratat anti-myslimane të Trump, edhe ajo e zhdukur nga sajti. Eliminimi është zbuluar fillimisht nga adresa “Mic.com”.
