Është mbyllur në barazim 1-1 sfida Partizani-Apolonia e vlefshme për javën e 13-të të Kategorisë Superiore.
Të dy golat janë shënuar në minutat e fundit teksa në fillimi në avantazh kaluan të kuqtë. Autori i golit ka qenë Tedi Cara. Futbollisti përfiton nga një gafë në mbrojtje e fierakëve, duke gjuajtur saktë nga brenda zonës me këmbën e majtë.
Teksa po pritej vërshëllima e fundit nga ana e gjyqtarit miqtë kanë bërë befasinë e madhe. Penallti për Apoloninë, pas prekjes së topit me dorë nga ana e Brojës brenda zonës.
Zaimi realizon nga pika e bardhë e penalltisë duke shtangur të kuqtë e Ilir Dajës. Përfundimisht 1-1 dhe Partizani del e zhgënjyer nga fusha e lojës teksa skuadra nuk po i ndahet rezultateve negative.
