Kryeministri Edi Rama zakonisht nuk pranon asnjëherë se qeveria e tij ka bërë gabime. Por në fakt kësaj here, gjatë fjalimit të tij në Pallatin e Sportit “Asllan Rusi”, ai u shpreh ndryshe.
Rama deklaroi se qeveria e tij ka gabuar, por nuk ngurroi ta krahasonte gabimin me qeverinë e kaluar.
“Kemi bërë gabime. Kush bën punë, bën edhe gabime. Ashtu sikundër kush votohet ka detyrën të punojë, por ka edhe të drejtën të gabojë. Por një gjë është e sigurt: Ne s’kemi gabuar asnjëherë siç gabonte rregullisht qeveria e vjetër. ”– deklaroi kreu i qeverisë.
Sipas Ramës, qeveria e kaluar mbronte të fortit dhe godiste njerëzit e drejtë.
“Nuk e kemi përdorur pushtetin për të bërë padrejtësira, apo në kurriz të njerëzve të zakonshëm të këtij vendi. Për të fortit në pushtet vetëm rregulla dhe gjoba nuk kishte. Ja këtu i kemi, përveç ministrit të Brendshëm, të gjithë janë të gjobitur për parkim të gabuar. Në dukje është një gjë e vogël, por kjo bën diferencën.”– shtoi më tej kryeministri.
