Udhëheqësi Demokrat i Senatit, Chuck Schumer ka kërkuar që nënpresidenti Mike Pence “menjëherë” të thërrasë Amendamentin e 25-të dhe të heqë Presidentin Trump nga detyra.
Ai shton se nëse Pence refuzon kërkesën, atëherë Kongresi duhet të mblidhet që “të fajësojë Presidentin Trump”, shkruan SHQIP.
“Ajo që ndodhi dje në Capitol të SHBA ishte një kryengritje kundër Shteteve të Bashkuara, e nxitur nga presidenti”, tha Schumer, në një deklaratë të enjten.
“Ky president nuk duhet të mbajë detyrën asnjë ditë më tepër”
“Mënyra më e shpejtë dhe më efektive për të hequr këtë president nga detyra do të ishte që Zëvendës Presidenti të kërkonte menjëherë Amendamentin e 25-të,” vazhdoi Schumer.
“Nëse Zëvendës Presidenti dhe Kabineti refuzojnë, Kongresi duhet të mblidhet përsëri për të fajësuar presidentin.”
Deklarata e Schumer vjen pasi disa kongresistë demokratë të mërkurën i kërkuan Pence të kërkonte amendamentin e 25-të.
Por çfarë është Amendamenti 25?
Ky amendament lejon zv/presidentin amerikan që së bashku me një shumicë të zyrtarëve të lartë, të deklarojnë Presidentin të paaftë për të kryer kompetencat dhe detyrat e tij, e në këtë mënyrë i merr pushtetin.
Thirrjet për largimin e Trump vijnë pasi presidenti foli në një tubim, duke u thënë mbështetësve se ai “nuk do të pranonte kurrë rezultatin”, dhe përsëriti pretendimin e pabazuar se zgjedhjet ishin “vjedhur”.
Demokratët kërkojnë që Pence të marrë pushtetin përkohësisht, derisa të vijë dita e betimit të Joe Biden.
