Presidenti në detyrë Donald Trump vijon të mos e pranojë humbjen e zgjedhjeve presidenciale. Ai thotë se ende nuk ka mbaruar numërimi i të gjitha votave dhe se nuk janë mediat që përcaktojnë se kush do të jetë fituesi.
“Që kur media e përcakton se kush do të jetë presidenti ynë i ardhshëm? Të gjithë kemi mësuar shumë në dy javët e fundit!”, – ka shkruar Trump në Twitter.
Edhe Zonja e Parë, Melanie Trump ka përgënjeshtruar një lajm të CNN se ajo po i kërkon bashkëshortit që të njohë humbjen.
“Populli amerikan meriton zgjedhje të drejta. Çdo votim të ligjshëm dhe jo paligjshëm. Votat duhet të numërohen. Ne duhet ta mbrojmë demokracinë tonë me transparencë të plotë”, – shkroi ajo në Twitter.
