Trajneri i Juventusit, Andrea Pirlo, është shfaqur euforik pas fitores së madhe me rezultatin 1-3 ndaj Milanit. Tekniku Italian nuk i ka kursyer kunjat ndaj kuqezinjve duke deklaruar se rezultati i ndeshjes tregon fuqinë e vërtetë të ekipeve.
Në prononcimin pas ndeshjes për “Sky Sport”, 41-vjeçari, pretendon se goli i Kalabrias u shënua pas një faulli.
“Zhvilluam një ndeshje të mirë. Në fushë pashë shpirtin e një skuadre që dëshiron të udhëheqë dhe të fitojë gjithmonë. Ishim të vëmendshëm dhe të përqendruar, treguam se kush komandon në kampionat. Të shohim në muaj e ardhshëm se ku do të jemi në renditje”.
Goli i Kalabrias? “Gjyqtari duhet të fishkëllente te faulli i Çalhanoglu ndaj Rabiot. Gjithsesi është e vërtetë që ekipi nuk ishte i pozicionuar mirë në ato momente”.
