Monika Kryemadhi, kryetare e LSI, ka reaguar në rrjetet sociale, lidhur me direktivat që ka dhënë për zgjedhjet e 25 prillit.
Kryemadhi shkruan se ne duhet t’i japim brezit të ri të Shqipërisë mundësinë për të krijuar të ardhmen e tyre.
“Direktiva ime e vetme është të mbështesim gjeneratën e re, t’u japim atyre mundësi dhe shpresë. Për të krijuar një mjedis ku rinia e sheh Shqipërinë si shtëpi për të ndërtuar të ardhmen”, shkruan Kryemadhi.
Reagimi i Kryetares së LSI ka ardhur pak orë pasi ish-ministri Nasip Naço deklaroi bashkimin me PS, duke u shfaqur në Qarkun e Beratit, ku do të kandidojë i 5-ti për siglat e socialistëve.
