Kryeministri Edi Rama ka zbaruar në Ankara, ku siç është njoftuar nga zyra e shtypit pranë kryeministrisë, do të zhvillojë një vizitë dyditore. Kreu i qeverisë është pritur nga Presidenti turk Erdogan me një ceremoni shtetërore në pallatin presidencial.
Takimi vjen pas kritikave të shumta që ka marrë kryeministri Edi Rama për “shitjen” e detit Greqisë, apo qëndrimin jo mohues për çështjen e ndërtimit të varrezave të ushtarve grekë ne vendin tonë.
Lidhur me vendimin e Greqisë për zgjerimin në Jon me 12 milje, Rama është shprehur publikisht se kjo është një e drejtë e shtetit Helen, ndërsa ka mohuar se preket territori detar shqiptar.
Nga ana tjetër, në mediat greke është raportuar se kjo lëvizje është një mesazh drejtuar Turqisë, shtet me të cilin ka pasur konflikt për një zonë detare në Mesdhe.
Më herët, Rama është shprehur se gjatë vizitës në Turqi do të nënshkruhen një sërë marrëveshjesh të rëndësishme, por arsyeja e vërtetë duket të jetë qasja e qeverisë shqiptare dhe kryeministrit Edi Rama ndaj vendimeve të autoriteteve greke. Qasje që mesa duket nuk i shkon për shkak Presidentit turk Erdogan.
