Reperi, producenti dhe sipërmarrësi Dr. Dre ka njoftuar se është shtruar në spital në Los Angeles, por nuk dha detaje arsyen që i rëndoi gjendjen shëndetësore.
“Faleminderit familjes, miqve dhe fansave për interesin dhe dëshirat e tyre të mira. Unë jam shumë mirë dhe po marr kujdes të shkëlqyeshëm nga ekipi im mjekësor. Unë do të kthehem së shpejti në shtëpi,” shkroi Dr. Dre në një postim në Instagram.
55-vjeçari, emri i të cilit është Andre Young, ka ndihmuar shumë artistë për të filluar karrierën, mes të cilëve përfshihen Snoop Dogg, Eminem dhe Kendrick Lamar.
Dr. Dre është themeluesi i Aftermath Entertainment dhe bashkë-themeloi Beats Electronics dhe Death Row Records.
