Aktorja e njohur, Hilary Duff ka publikuar në Instagram një sërë fotosh të familjes së saj duke festuar të gjithë bashkë gjatë festave. Pavarësisht se në foto duket shumë e lumtur ajo ka treguar se në të vërtetë nuk ka qenë aspak.
Ajo shkruan se nga të gjithë testet e Covid-19 që ka kryer, i janë infektuar sytë.
“Më pas sytë e mi filluan të dukeshin të çuditshëm dhe më dhembnin shumë. Kështu që bëra një vizitë në urgjencë. Kisha një infeksion në sy nga gjithë testet e COVID në punë, sepse ju e dini 2020 dhe gjithçka“, ka treguar aktorja.
Deri më tani nuk është raportuar ndonjë problem i tillë për shkak të testeve të Covid-19, kështu që është ende e paqartë se çfarë ja ka shkaktuar aktores këtë problem me sytë.
