Në një intervistë për “Faxnews” nën drejtori i Instituti të Shëndetit Publik, Dritan Ulqinaku foli për ardhjen e vaksinës PFizer në Shqipëri dhe kategoritë që do të marrin dozat e para.
Ulqinaku theksoi se ISHP ka kapacitete për të mbajtur rreth 300 mijë doza në ambientet që posedojnë frigoriferë ngrirës, ku shton se kanë një eksperiencë në të kaluarën në mbajtjen e preparateve, të cilat kanë nevojë të ruhen në temperatura të ulëta si -70 gradë celsius.
“Ne kemi aktualisht frigoriferë ngrirës të ftohtë, kemi një eksperiencë jo të vogël me mbajtjen e preparateve të tjera në këto temperatura, pra nuk është hera e parë që ne operojmë me akull mes temperaturave -70 deri -80 gradë, pa diskutim që po punojnë për shumëfishimin e bazës frigoriferike. Për momentin ne mund të mbajmë deri në 300 mijë doza pa asnjë lloj problemi”- u shpreh Uqlinaku
