Gjykata e Lezhës ka lënë në burg 21-vjeçarin Erald Pajtani, i arrestuar si i dyshuar për vënien e një sasie lëndë plasese në kolonat e një objekti në ndërtim, në zonen e ranës së Hedhur në Shëngjin.
Në seancen gjyqësore të zhvilluar me dyert të mbyllura mësohet se i riu nga Larushku i Krujës, nuk ka folur në lidhje me akuzat e ngritura ndaj tij, por gjatë marrjes në pyetje ka mohuar të ketë lidhje me ngjarjen.
Erald Pajtani u arrestua më 31-dhjetor si i dyshuar për vendosjen e lëndës plasese në kolonat e objektit në ndërtim të pronësi të biznesmenit Liman Gjoka, ngjarje e ndodhur me 19-nëntor të vitit 2020.
