Kryeministri Edi Rama deklaroi këtë të Martë se vaksinimi ndaj koronavirusit do të nisë në mesin e Janarit. Në një konferencë për gazetarët, e fundit për këtë vit, shefi i ekzekutivit tha se qeveria është në bisedime me tre kompani farmaceutike, të cilat kanë prodhuar vaksina.
“Në mes të Janarit do nisim vaksimin me mjekët e infermierët e grupet e tjera vulnerabël, mësuesit, punonjësit e policisë dhe më të moshuarit. Me AstraZeneca dhe Moderna jemi në bisedime, shumë shpejt do finalizojmë dhe marrëveshjen me Pfizer e cila lidhet me kapacitetet që janë në shtete të ndryshme. Mbetet në këtë fazë një punë intensive e diplomatike nga të karta anët. S’kanë ekzistuar që ditën e parë kontrata direkte të palidhura me strategjinë e përgjithshme. Jemi shumë pranë finalizimit të një marrëveshje të shkruar, që kemi filluar të punojmë që nga takimi në Nju Jork me shefin e madh të kompanisë dhe ekipi ynë bashkë me përfaqësuesit e Pfizer merr dhe çon rastet përkatëse”, tha Rama.
