Instituti Kombëtar i Shëndetësisë Publike në Kosovë (IKSHPK) ka njoftuar se të Hënën janë shënuar 8 vdekje të lidhura me COVID-19.
Në raportin ditor të IKSHPK-së, bëhet e ditur se, bazuar në 1 002 testime, 181 kanë dalë pozitive.
Të shëruar nga sëmundja janë regjistruar 407 pacientë.
Me shifrat e fundit, numri i përgjithshëm i të infektuarve me koronavirus në Kosovë arrin në 50 801.
Prej tyre, 1 317 pacientë kanë vdekur dhe 39 969 janë shëruar.
Raste aktive aktualisht janë 9 515.
