Partia Demokratike i ka bërë thirrje kryeministrit Edi Rama që të lërë shfaqjet në televizion dhe të zbresë në terren, në zonat e përmbytura.
Kreu i PD-së Lulzim Basha tha se prioritet janë jeta e njerëzve. Ai tha se PD do të jetë krah autoriteteve për të përballuar këtë situata.
“Po ndjekim me vëmendje dhe shqetësim të madh situatën si rezultat i përmbytjeve. Kam kontaktuar me përfaqësues të PD në zonat më të goditura. Gjendja vazhdon të jetë e rëndë, prioritet është jeta e njerëzve.
Rama të ndërpresë shfaqen televizive të marrë vendimet që nuk ka marrë tani, ti bëjë transparente. Vetë të niset aty ku qytetarët përballen me izolimin nga uji dhe të merren masa lehtësuese.
Qeveria dhe Rama të lerë shfaqjen të zbresë në terren. Autoritet do të kenë mbështetjen e opozitës, por duhet të jenë në krye të detyrës, jo para kamerave”, tha Basha.
