Kryetarja e Bashkisë Dimal, Juliana Mema, e cila është kallëzuar penalisht nga një familje për disa vepra penale, i ka cilësuar akuzat si të pavërteta, shpifje.
“Ka një Zot që i gjykon, unë jam në rregull. Jam një njohëse e mirë e ligjit”, u shpreh ajo për Faxnews.
Prokuroria e Beratit i ka kaluar dosjen SPAK pasi ka Mema akuzohet për shpërdorim detyre, shkatërrim të pronës private, mashtrim dhe falsifikim dokumentesh. 60-vjecari Petrit Baho e ka kallëzuar sepse banesa e tij u shemb nga fadromat më 23 Nëntor 2020 dhe Bashkia i dha lejen një subjekti tjetër për tu ndërtuar aty.
Në kallzim thuhet se: “Shtetasi Petrit Baho,i datëlindjes 24.01.1960,lindur dhe banues në fshatin Poshnje,është pronar i pasurisë së paluajtshme me nr.455/12,e llojit “truall dhe godinë 2 KT”,me sipërfaqe 97.6 m2 dhe prona është e regjistruar në zonën kadastrale 3032 në Poshnje. Për këtë pronë,Petrit Baho është i pajisur edhe me çertifikatë pronësie.
Në 25 Nëntor 2020,me një njoftim të firmosur nga kryebashkiakja Juljana Memaj për lirimin e hapësirave publike,pranë banesës së tij janë paraqitur disa persona si punonjës të bashkisë dhe pa asnjë dokumentacion ligjor kanë filluar të prishin disa prona aty pranë dhe më pas kanë filluar të prishin edhe objektin me dokumentacion të rregullt të shtetasit Petrit Baho. Pasi është njoftuar policia,e cila nuk ka ndërhyrë,shtetasi Petrit Baho i është drejtuar Gjykatës së Rrethit Gjyqësor Berat për marrjes e masës së sigurimit të padisë. Pak ditë më vonë,mbi pronën e tij ka filluar punimet (që po vijojnë ende) qytetari Ramadan Baho,që pretendon se ka marrë leje nga bashkia”.
Në lidhje me shkatërrimin e pronës së tij private,Petrit Baho ka kallëzuar penalisht jo vetëm kryebashkiaken Juljana Mema por edhe dy punonjësit e bashkisë Dimal: Agim Çuni dhe Pandi Pilo për: shpërdorim detyre,shkatërrim i pronës private,mashtrim,falsifikim,kanosje dhe shpifje. I akuzuar për: ndërtim të paligjshëm,shkatërrim prone dhe falsifikim është edhe shtetasi Ramadan Baho, i cili është favorizuar dhe lejuar nga bashkia Dimal të ndërtojë në pronën e Petrit Bahos.
Petrit dhe Burbuqe Baho i bëjnë apel shtetit të ndërhyjë menjëherë për zgjidhje, pasi siç shprehen ata “bashkia po i vret”. Bashkëshortët Baho pohojnë se, janë kërcënuar nga shumë persona dhe deklarojnë se kryebashkiakja Mema ka marrë 20 mijë paund nga Ramadan Baho, me qëllim favorizimin e tij për ndërtim.
