Në mbrëmjen e së shtunës janë regjistruar reshje bore edhe në zona të ulëta deri në 600 m mbi nivelin e detit. Dita e sotme i gjeti të zbardhur nga bora qytetin e Peshkopisë dhe të Bulqizës në veri lindje të vendit.
Reshjet kanë qenë të dobëta, ndërsa bora në qytet ka mbetur vetëm në çatitë e shtëpive. Në zona të thella me lartësi mbi 800 metra mbi nivelin e detit, raportohet se ka rreth 20 cm, por nuk raportohen probleme.
Prezencë të borës ka patur në aksin Kombëtar Peshkopi-Kala e Dodës-Kukës, ku në segmentin nga Sllova deri në Kalanë e Dodës ka rreth 20 cm borë, por mjetet borëpastruese kanë punuar për hapjen e rrugës gjatë gjithë natës së mbrëmshme.
Problematike situata ka qenë në aksin Kombëtar Ura e Çerenecit-Steblevë që lidhet me Librazhdin, në segmentin nga Ostreni drejt Steblevës, ku për shkak të borës dhe rrugës së amortizuar ka pasur vështirësi në qarkullimin e mjeteve.
Gjithashtu, aksi Qafë Bualli- Krastë vështirësohet si pasojë reshjeve dhe rrugës së amortizuare.
Sa u përket rrugëve rurale nuk ka problematikë, megjithëse në disa zona trashësia e borës varion nga 10 deri më 25 cm.
