Dy orë e gjysmë ka zgjatur ekspertiza që i është bërë trupit të pajetë të 26-vjeçarit Astrit Dehari, aktivistit të Vetëvendosjes që vdiq në burgun e Prizrenit ku ishte burgosur për sulm ndaj godinës së qeverisë.
Në ekspertizë janë angazhuar përveç ekspertëve të Mjekësisë Ligjore edhe dy mjekë të angazhuar nga familja Dehari, Besim Ymaj nga Shqipëria dhe Besim Latifaj nga Anglia si dhe mjekja Hatixhe Latifi Pupovci nga Lëvizja Vetëvendosje.
Sipas rezultateve të para të ekspertizës Dehari ka vdekur nga mungesa e frymëmarrjes ndërsa hidhet poshtë dyshimi se ai kishte marrë medikamente.
Rezultatet më të detajuara do të publikohen në ditët në vijim.
Pas përfundimit të ekspertizës kryeprokurori i Prokurorisë Themelore Sylë Hoxha tha se i ndjeri kishte pengesa në frymëmarrje por rezultatet përfundimtare do të tregojnë arsyen e kësaj pengese.
