Residenca Neverland e Michael Jackson, në Kaliforni, u ble nga miliarderi amerikan, Ron Burkle, me një çmim prej rreht 22 milionë dollarë, shumë poshtë çmimit fillestar të shitjes, njoftoi zëdhënësi i tij.
Biznesmeni i vendosur në Montana, Ron Burkle ka investime që variojnë nga supermarketet te industria e muzikës. Ai e bleu pronën për “mundësinë e tij bankare”, theksoi zëdhënësi.
Burkle kishte qenë gjithashtu këshilltar biznesi i e Michael Jackson, duke e ndihmuar të zgjidhte borxhe të konsiderueshme të akumuluara për shkak të stilit të tij të jetesës në vitet para vdekjes.
Njoftuar nga Wall Street Journal, çmimi prej 22 milionë dollarësh u konfirmua si jo shumë korrek nga një burim i njohur me çështjen. Kjo shumë përfaqëson një rënie dramatike nga vlerësimi prej $ 100 milionë që daton nga 2015.
Vitin e kaluar, çmimi tashmë kishte rënë në 31 milionë dollarë, por prona nuk kishte gjetur një blerës.
Sipas shtypit, Michael Jackson e fitoi këtë pronë për 19,5 milionë dollarë në vitet 1980.
I zhytur në borxhe, pak para vdekjes së tij në vitin 2009, ylli ia kishte shitur këtë pronë Thomas Barrack Jr.’s Colony Capital investment për 22,5 milionë dollarë.
Vendosur në një terren prej 1 100 hektarësh, 65 kilometra nga Santa Barbara, ferma ka një shtëpi kryesore me gjashtë dhoma gjumi, tre shtëpi për mysafirë, një liqen me një ujëvarë, fusha tenisi, disa hambare dhe strehimore për kafshët.
