Diego Costa, dhe lufta me ‘Hulk-un’ që ka përbrenda

Sezoni i Chelsea që prej kësaj fundjave mund të quhet i përfunduar. FA Cup ishte trofeu i vetëm që mund të shpëtonte sezonin për “The Blues”, por pas humbjes 2:0 me Everton ditën e shtunë, Chelsea-t i ka ngelur vetëm të mbarojë sa më lartë në renditjen e Premier League në ndeshjet e mbetura. Me shumë mundësi londinezët do të zbresin në fushë pa Diego Costa-n, i cili me sjelljen e tij jo të hijshme kundrejt arbitrit Michael Oliver dhe tifozëve të Everton, duhet të përgatitet me një pezullim disa javor. Ditën e sotme do të jepen masat e dënimit nga Federata Angelze. Sërish Diego Costa vërtetoi në ndeshjen kundër “Toffees” që është një lojtar që nuk arrin të kontrollojë agresionin e tij. Në skenën me Gareth Barry, që tashmë është bërë virale, lojtari i përfaqësueses spanjolle përleshet deri në pikën që tenton ta kafshojë kundërshtarin alla Oliver Kahn, portieri gjerman mbahej për ngacmime të tilla. Guus Hiddink e ka paralajmëruar mbas ndeshjes lojtarin duke i bërë apel për të ftohur gjakrat gjatë ndeshjes. Por fati është me Costa-n, pasi Barry deklaroi mbas ndeshjes se “nuk më kafshoi”, në krahasim e Suarez, ai akoma nuk e ka statusin e një armiku të futbollit anglez. Presidenti i Federatës Italiane dhe Antonio Conte Për Chelsea dhe trajnerin e ri Conte (akoma nuk është zyrtarizuar), ka një dilemë të madhe. Nga njëra anë, në ndeshjen kundër PSG, Diego Costa ishte një nga lojtarët më të mirë në fushë deri në momentin që u zëvendësua, nga ana tjetër sulmuesi është shumë problematik. Pra Conte, ka për detyrë të ringjallë pasionin dhe gatishmërinë e grupit të lojtarëve që janë aktualisht te Chelsea dhe jo të bëjë një revolucion me lojtarë të rinj. Por nëse Costa nuk arrin të kontrollojë ‘Hulk-un’ që ka përbrenda, dot ë vazhdojë t’i prishë shumë punë ekipit të tij. Detyra e Conte është të kontrollojë agresionet e lojtarit Klubi dhe trajneri do të vendosin në verë nëse lojtari është në gjendje fizikisht dhe psikologjikisht të jetë lideri për të cilin Chelsea ka nevojë. Me siguri që thashethemet për një rikthim të tijin te Atletico Madrid do të bëhen më të zhurmshme gjatë kësaj jave, në Spanjë ka më shumë lojtarë klasi me një tendence sociopatie se sa në Angli, ku simulimet apo rrëzimet e kota shihen me sy të keq. Mbase në fshehtësi, bëma e fundit e Costa-s mund të jetë një arsye për trajnerin e ardhshëm të Chelsea të rifillojë nga e para, me sulmin në fillim.