I shumë komentuari deputeti socialist Eduard Ndocaj ka braktisur selinë rozë për të krijuar një parti të tijën për emigrantët shqiptarë në Itali, vend ku dhe ka bizneset e tij familjare prej shumë vitesh.
Kohë më parë deklaroi se do të largohej nga PS-ja. Pastaj u rikthye sërish, më vonë tentoi të shkonte te partia e Nard Ndokës.
Së fundi shfaqet në Itali, ku ka themeluar një parti të re. Partia e Emigracionit Shqiptar quhet subjekti i ri, në të cilin “kaubojsi” u zgjodh kryetar.
Në mbledhjen e djeshme në Pesaro u diskutua çështja e përfaqësimit politik të emigrantëve shqiptarë nëpër botë.
Kjo është lëvizje politike e emigracionit dhe për emigracionin. Anëtarët dhe drejtuesit e saj janë dhe do të jetë eskluzivisht emigrantët kudo ku jetojnë.
