Është ndarë nga jeta si pasojë e COVID-19, gazetari i mirënjohur i Radio Shkodrës, TVSH-së dhe Deutsche Welle në shqip, si dhe i mediave te tjera lokale, Lek Plani.
Ai prej disa ditësh po luftonte me këtë sëmundje, por pa mundur dot që të mbijetonte.
Boldnews i shpreh ngushëllime familjes së gazetarit për humbjen e parakohshme.
Ndërkohë Unioni i Gazetarëve Shqiptarë përmes një mesazhi thekson se “sot ka humbur betejën me COVID-19 gazetari i njohur, miku dhe bashkëpunëtori i shkëlqyer, i mirënjohuri i Radio Shkodrës, TVSH, Deutsche Welle në shqip, si dhe i mediave te tjera lokale, Lek Plani”.
“Për orarin e ceremonisë mortore, do të njoftohet në një moment të dytë.
Ngushëllime familjes “Plani”!
Pushofsh më paqe, kolegu, shoku, miku ynë i mirë, Leka!”, thuhet në reagimin e UGSH.
