Situata e anësorit të Partizanit Uilliam Melo vazhdon të ndërlikohet akoma më tepër në kampin e kuq.
Lojtari brazilian shprehu sërish pakënaqësinë rreth trajtimit që po i bëhet nga trajneri Daja. Dhe këtë pakënaqësi Melo e ka treguar në rrjetet sociale pas ndeshjes me Kastriotin, ku ai nuk u grumbullua.
Teksa Jasir Asani sot u paraqit në fushë në fitoren kundër Kastriotit 2-0, 25-vjeçari shkruan se “dielli del pas stuhisë” duke nënkuptuar se marrëdhënia e tij me skuadrën dhe klubin ka gjetur zgjidhje. Melo i komenton duke thënë se për të “nuk ka mbaruar stuhia”.
Pas barazimit 0-0 ndaj Bylisit javën e kaluar, trajneri Daja kritikoi brazilianin Melo për paraqitjet në fushë. 27-vjeçari u shpreh hapur se dëshiron të largohet nga skuadra. Para ndeshjes me Kastriotin, trajneri i Partizanit Ilir Daja arsyetoi lënien në stol të Asanit dhe Melos për shkak të gjendjes jo të mirë fizike, por nëse për Asanin situata ka marrë zgjidhje, e njëjta gjë nuk mund të mesfushorin e majtë Melo./Panoramasport
