Miliarderja e re, Kylie Jenner, ka revoltuar aktivistët për të drejtat e kafshëve gjatë daljes së saj të fundit për pazar gjatë fundjavës. Pasi u largua nga dyqani luksoz në Rodeo Drive të Beverly Hills, ajo hyri në automjetin e saj dhe në këtë moment katër protestues rrethuan automjetin e saj.
Nga videot e shpërndara në rrjet shihen aktivistët që i bërtasin yllit të TKUWK, teksa thërrasin: “Turp për ty! Je një përbindësh! Turp për ty!” .
23-vjeçarja shihet duke dalë nga ‘Rolls-Royce’ i saj, kurse pas saj ishin sigurimi që e mbronin prej aktivistëve.
Protestuesit nuk dukej se kishin si shënjestër Kylie pasi protesta e tyre filloi diku tjetër dhe më pas u drejtuan drejt qendrës së famshme tregtare teksa Kylie nuk iu përgjigj atyre.
Ylli i “Keeping up with the Kardashians” është përballur me një situatë të ngjashme edhe në janar kur ajo tregoi papuçet e sapoblera Louis Vuitton të bëra me gëzof, vetëm disa ditë pasi u përpoq të rrisë ndërgjegjësimin për kafshët që kishin ngordhur në zjarret e Australisë.
