Rrëfehet Armand Duka: Në futboll krejt rastësisht, por kam arritur shumë!

“Ja, kjo është uniforma jonë në Francë. Është e bukur, apo jo?” Ai ka pothuajse lot në sytë e tij, kur në “smartphone” e tij tregon një model të uniformës që Shqipëria do të veshë në Kampionatin Europian. Folësi është Armand Duka, president i Federatës Shqiptare të Futbollit. Sipërmarrësi (nga Durrësi) në degën e ushqimit, i lindur në vitin 1962, një i diplomuar për Ekonomi dhe njeriu më me ndikim në Shqipëri, pas kryeministrit Edi Rama. Duka ishte në Pescara fundjavën e kaluar. Ai u takua me disa nga sipërmarrësit në Abruzzo dhe vizitoi selinë në qendër. Duka dhe De Biazi, dy “strategët” e kombëtares kuqezi, finaliste e “Euro 2016” Duka, si është futbolli në Shqipëri? Krahasuar me vitet 90-të, ka ndryshuar aq shumë. Në Shqipëri, deri vetëm para viteve 2000, ne shkatërruan çdo gjë, duke përfshirë edhe futbollin. Tani kemi marrë lojtarë nga mbarë kombi dhe po rritemi shumë. Kush është kthyer në Shqipëri pas 15 vitesh nuk e njeh atë më. Kombëtarja është pararojë, me suksese të tilla si kualifikimi në “Euro 2016”. Unë u bëra president në vitin 2002 dhe besoj se tani rezultatet janë aty për të gjithë sytë që duan t’i shohin. Duka gjatë një leksioni të hapur në një universitet privat në Tiranë A është e vërtetë se pas Ramës, Duka është njeriu më i fuqishëm në Shqipëri? Ju lutem, çfarë do të thoni me këtë? Në futboll e kam gjetur veten rastësisht, por tani mund ta ndihmojë atë. Pas 14 vitesh në krye të Federatës Shqiptare të Futbollit, mund të them se kemi bërë disa gjëra të rëndësishme. Shkalla teknike e ligës sonë është rritur, ka kampe të reja për trajnim dhe objekte moderne sportive janë në proces, që gradualisht po bëhen realitet. Armand Duka duke kaluar pushimet e dimrit në një vend ekzotik Pse ndodheni në Pescara? Për të përshëndetur Memushajn, por jo vetëm. Ndodhem këtu edhe për biznes, pasi jam një sipërmarrës. Pastaj kam biseduar me disa nga drejtuesit e Pescara për të kërkuar vlefshmërinë e një bashkëpunimi me disa klube shqiptare. Janë interesa të përbashkët, që mund të çojnë në blerjen e disa klube të Superligës Shqiptare.
Diçka më shumë për futbollin në Shqipëri?
Janë 15.000 anëtarë të kësaj loje magjike. Ne kemi katër kampionate, që t’i krahasosh me ndarjet këtu në Itali mund t’i quanim: Seria A, B, C dhe D. Struktura është e futbollit italian, por me më pak ekipe. Në A, për shembull, janë 10 klube. Sfidat gjatë sezonit përfshijnë katër faza, me ndeshje vajtje-ardhje. Pra, luhet një total prej 36 ndeshjesh. Armand Duka, kur ishte fëmijë i vogël Sa merr një futbollist profesionist dhe sa shpenzojnë klubet atje? Në Seria A, të cilën ne e quajmë Kategoria Superiore, një lojtar merr mesatarisht 40-50 mijë €. Buxheti më i madh është ai i Skënderbeut. Bëhet fjalë për klubin më të pasur në Shqipëri, që ka fituar vitet e fundit titullin kampion. Në zgjedhjet e fundit për kreun e FIFA-s, për kë votuat? Për Infantinon, natyrisht! Unë e kam njohur atë për shumë vite, është një person serioz dhe i besueshëm. Delegacioni shqiptar në Paris Kombëtarja shqiptare është rritur edhe për shkakun tonë, të Gianni De Biasi… Si mund të them ndryshe! E kam takuar De Biasin në vitin 2011. Emri i tij më është sugjeruar nga një koleg, një gazetar, por nuk do t’ia them emrin. Ai më kishte folur mirë për të dhe në fund rezultoi se kishte të drejtë. Në fillim nuk isha i bindur, por pastaj e kam zgjedhur atë dhe tani jam shumë i lumtur. De Biasi ka bërë dhe po bën një punë të madhe. Shqipëria luan mirë, është rritur aq shumë dhe është kualifikuar për herë të parë në histori në Kampionatin Europian, i cili do të luhet në qershor, në Francë. Armand Duka duke folur në ceremoninë festive për kualifikimin historik në “Euro 2016” Një gëzim i madh për të gjithë popullin shqiptar… Pas kualifikimit na kanë bërë heronj kombëtarë. Sinqerisht, në fillim, kurrë nuk e kam menduar një gjë të tillë. Megjithatë, duke parë se si po luante ekipi, nisa ta besoja se mund ta bënim realitet diçka të tillë. Në fushatën kualifikuese jemi renditur të dytët në grup, duke eliminuar Danimarkën, Serbinë dhe Armenia. Jo vetëm kaq, por gjithashtu kemi pasur kënaqësinë e mposhtjes së Portugalisë së Cristiano Ronaldos. Shqipëria do të jetë skuadra surprizë e Europianit të kësaj vere? (Qesh) “Qetësohu. Ne do të shkojmë në Francë për të luajtur futboll, por nuk bëjmë plane. Grupi ynë është i vështirë, por ne kemi treguar se mund të mundim këdo. Në vitin 2004, megjithatë, edhe Greqia ishte ekip surprizë, por fitoi Kampionatin Europian. Duka dhe De Biazi, bashkë me kuqezinjtë, priten si heronj në Rinas, pas kualifikimit në “Euro 2016” Pra, prisni diçka pozitive në debutimin tuaj në “Euro 2016”? E sigurtë është se do të shkojmë në Francë për të luajtur futbollin tonë dhe do të ishte mirë për ta kaluar fazën e parë, atë të grupeve. Një shans për ta treguar veten edhe tifozët shqiptarë… Patjetër. Ata janë të çmendur. Si federatë kemi marrë më shumë se 100 mijë kërkesa për bileta. Për tri ndeshjet e para, kundër Rumanisë, Francës dhe Zvicrës, ne kemi rrëmbyer mbi 26 mijë bileta në disa ditë. Do të jetë një pushtim i vërtetë i shqiptarëve në Francë. Duka dhe futbollisti Valdet Rama duke bërë “shqiponjën” Le të flasim për Ledian Memushaj, kapitenin e Pescara… Djalosh nga Vlora, njeri me karakter. Lediani është është thelbësor për Shqipërinë. Ka ardhur në kombëtare prej 6 vjetësh dhe është rritur aq shumë. Për ne ky lojtar është një shtyllë, por edhe për Pescara. Nëse Pescara do të luajë në “play-off”, megjithatë, Memushaj nuk do të jetë gati për angazhimet e kombëtares… Është e vërtetë, ata më folën rreth këtij problemi. Ne si federatë do të bëjmë gjithçka për ta ndihmuar Pescara. Nëse do të ketë angazhime të tilla, do të jetë e vështirë për ta privuar Memushajn. Megjithatë, është trajneri që vendos në kësi rastesh.