Përveç autorit të dyshuar të vrasjes së punonjësit të karburantit, mëngjesin e sotëm në Sarandë, policia ka arrestuar edhe shokun e tij.
Në pranga u vu shtetasi Arqile Koçi, 27-vjeçar. Ai vrau me armë gjahu punonjësin e karburantit, teksa hyri për të grabitur, ndërkohë që policia e arrestoi në një nga hotelet e zonës.
Policia ka bërë kapjen dhe arrestimin e autorit Arqilea Koçi, brenda një hoteli, ngjitur me lokal “Paparacin” në lagjen numër 4 Sarandë.
Policia arrestoi edhe shokun e autorit, shtetasin Mihal Leka, 33 vjeç, banues në Sarandë.
Leka u arrestua për “Përkrahje të autorit të krimit” dhe “Prodhimi dhe shitja e narkotikëve”.
Gjatë kontrollit të ushtruar në banesën e Mihal Lekës, Policia ka gjetur armën e gjahut “Çiften”, motorin dhe skafandën, si dhe një pjesë të vogël me lëndë narkotike.
