Një 45-vjeçar ka humbur jetën në Tiranë këtë të Shtunë, pas ka rënë në kontakt me energjinë elektrike, teksa ishte duke punuar.
Policia njofton se, rreth orës 14:30, në rrugën “Kongresi i Manastirit”, dyshohet se duke punuar në një pallat në ndërtim, ka rënë në kontakt me rrymën elektrike shtetasi Sh.H., rreth moshës 45 vjeç, i cili për pasojë ka ndërruar jetë.
Grupi hetimor dhe sherbimet e Policisë ndodhen në vendngjarje dhe vijon puna për sqarimin e rrethanave të ngjarjes, shtuan të njëjtat burime.
