Pas hedhjes së votës për kryetarin e ri të LSI-së, Ilir Meta, kreu historik i kësaj force politike, ka vlerësuar procesin zgjedhor brenda partisë, duke theksuar se kjo dëshmon edhe njëherë hapjen e kësaj force.
E vlerësoni garën të fortë?
Mendoj se gara është ajo që kemi parë e do shohim deri në fund, të gjithë kanë qenë të ftuar për të konkurruar, shpresoj të jetë një moment i ri…
Mendoni se do ketë ndonjë surprizë?
Për mua më e rëndësishme është mbarëvajtja e procesit dhe shkalla e pjesëmarrjes dhe për këtë edhe komisioni ka dërguar vëzhgues nga qendra, për të shmangur fiktivitet, por edhe për të kuptuar hskallën e motivimit
Do kërkojë kryetari i ri postin e kryeministrit pas zgjedhjeve?
Përgjigjen do ta jepte më mirë kandidati Spahiu, për mua më e rëndësishme është sot që LSI të tregojë shkallë të lartë motivimi. Rritja e anëtarësisë do të thotë fuqizim i LSI, sa më e fortë të jetë ajo aq më e qetë, sigurt është Shqipëria, fuqishëm është dialogu politik në vend dhe e ardhmja evropiane e vendit.
