Përditësuar/ Nis protesta në Shkodër. Qytetarë u shprehën se kërkojnë drejtësi për vrasjen e 25-vjeccarit Klodian Rasha nga një efektiv policie.
Qytetarë po ashtu, duke folur për mediat, shprehën dhe shqetësime të tjera. Varfëria që ka kapluar familjet e tyre, mungesa e punësimit të rinjve, pagat e ulëta, mungesa e prespektivës në vend, ishin disa nga shqetësimet e ngrituara.
“Na kanë shkatërru vendin jetën tonë”, u shpreh një qytetar teksa fliste për klasën politike drejtuese të vendit.
Protesta, deri më tani, vijon të jetë paqësore.
***
Ora (10:15) Vrasja e Klodian Rashës, protestë në Shkodër
Në orën 11:00, në qytetin e Shkodrës pritet të nisë një protestë e thirrur nga shoqëria civile, lidhur me vrasjen e Klodian Rashës nga një efektiv policie. Ndryshe nga java e kaluar, sot dhjetëra forca policie kanë marrë në ruajtje institucionet në Shkodër.
Javën e kaluar protesta e shoqërisë civile nisi paqësore, por në mesditë një grup të rinjsh dogjën selinë e PS-së.
Pushteti vendor akuzoi policinë se nuk ndërmori asnjë masë dhe nuk ndërhyri për të ndaluar këtë shkatërrim.
