SHBA-ja regjistroi sërish një bilanc me më shumë se 3 200 të vdekur dhe rreth 250 000 raste të reja me koronavirusin e ri në një ditë, sipas shifrave të Universitetit Johns Hopkins.
Vendi po përballet aktualisht me një rritje të epidemisë, që nuk ka shënuar rënie që prej marsit në SHBA.
Në 15 ditët e fundit, pragu prej 200 000 raste ditore është kaluar 12 herë.
Gjatë 24 orëve të fundit janë regjistruar 3 249 të vdekur dhe 247 544 infektime të reja.
Është hera e katërt në 10 ditë që SHBA-ja kalon pragun e 3 000 viktimave ditore.
Zyrtarët e shëndetësisë i trembeshin këtij shpërthimi pas festës së madhe familjare të Falënderimeve më 26 nëntor, kur miliona amerikanë udhëtuan për t’u bashkuar me të dashurit e tyre.
Ekspertët kanë frikë se situata do të përkeqësohet më tej gjatë sezonit të festave të fundvitit.
