Në Greqi duket se ka tym të bardhë për çështjen e kalimit të festave së bashku. Sikurse informon zëdhënësi i qeverisë, Stelios Petsas, të dhënat epidemiologjike në Greqi po lëvizin ngadalë, por në mënyrë të qëndrueshme në drejtimin e dëshiruar.
Por situata e rënduar në rajonet e Atikës dhe Kozanit do të përkthehet në masa të tjera shtrënguese dhe rivlerësim të mëtejshëm çdo 5 ditë. Kësisoj, gjysma e rajonit të Atikës Perëndimore do të përballet me një izolim më të rreptë deklaroi zëdhënësi i qeverisë, Stelios Petsas.
“Në çdo rast, është e domosdoshme në nivel kombëtar që të mos ketë lehtësim të masave mbrojtëse kundër COVID-19 gjatë pushimeve të Krishtlindjes”, theksoi ai.
Megjithatë autoritetet shpallën mbrëmë masa shtrënguese më të forta për disa zona të Athinës ku situata paraqitet më alarmante. Për një javë në këto zona ndalimi i qarkullimit do të nisë në 18:00 deri në 05:00. Gjithashtu do të mbyllen të gjitha aktivitetet jo të domosdoshme .
